Քաղաքականություն

Պարզաբանում՝ «Ջերմուկ»-ի վաճառքի արգելքի մասին

Պարզաբանում՝ «Ջերմուկ»-ի վաճառքի արգելքի մասին
«Ջերմուկ» հանքային ջրի առանձին խմբաքանակների իրացման արգելումը հայաստանյան արտադրողների համար լուրջ խնդիր չէ։ Այս մասին «Sputnik» միջազգային մուլտիմեդիոն կենտրոնում կայացած հեռուստակամրջի ժամանակ…

«Ջերմուկ» հանքային ջրի առանձին խմբաքանակների իրացման արգելումը հայաստանյան արտադրողների համար լուրջ խնդիր չէ։ Այս մասին «Sputnik» միջազգային մուլտիմեդիոն կենտրոնում կայացած հեռուստակամրջի ժամանակ հայտարարել է ՌԴ գիտությունների ակադեմիայի ակադեմիկոս, Ռուսաստանի կրթության ակադեմիայի նախագահի տեղակալ Գենադի Օնիշչենկոն։


Նրա խոսքով՝ «Ռոսպոտրեբնադզորի» ղեկավարի պաշտոնում իր նախկին աշխատանքի փորձը ցույց է տվել, որ նման դեպքերը հազվադեպ չեն. որպես կանոն` արգելվում է ոչ թե ամբողջ արտադրանքի, այլ առանձին խմբաքանակների իրացումը: Այդպիսի միջոցներ կիրառվում են նաև այլ երկրների ապրանքների նկատմամբ։ Մասնավորապես, վերջերս բելառուսական ձեռնարկություններից մեկի կաթնամթերքի ներմուծումը սահմանափակվեց անասնաբուժական դեղամիջոցի մնացորդային պարունակության ավելցուկի պատճառով:


Օնիշչենկոյի խոսքով՝ «Ջերմուկի» դեպքում, հավանաբար, խոսքը կարող է լինել շշալցման տեխնոլոգիայի խախտման մասին, ինչի արդյունքում արտադրված կոնկրետ խմբաքանակում կարող էին հայտնվել հանքային ջրին ոչ բնորոշ նյութեր։


«Այստեղ ոչ մի սարսափելի բան չկա. առգրավել են մեկ խմբաքանակ, բայց «Ջերմուկը» մնում է շուկայում»,- հավելել է փորձագետը: 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7311) Միջազգային (3205) ԱՄՆ (2274) Ռուսաստան (2073) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (433) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250