Կիև չժամանելը անհարգալից կլինի. Զելենսկի

Ուկրաինայի նախագահ Վլադիմիր Զելենսկին մեկնաբանել է ամերիկացի բանագնացներ Սթիվ Ուիթքոֆի և Ջարեդ Քուշների՝ Ուկրաինա այցելելու հավանականությունը։

Պատասխանելով ICTV-ի լրագրողի հարցին՝ նախագահը կոչ է արել թեմայից «առանձնահատուկ սենսացիա» չստեղծել, քանի որ ուկրաինացի բանակցողները կապ են պահպանում նրանց հետ։

Զելենսկին նշել է, որ նման այցն առաջին հերթին անհրաժեշտ է հենց պատվիրակությանը, քանի որ Մոսկվա մեկնելն ու Կիև չժամանելը համարում է անհարգալից վերաբերմունք։ Նա հավելել է, որ չնայած Ուկրաինայում լոգիստիկան ավելի բարդ է, մարդիկ այնուամենայնիվ կարողանում են գալ։

Զելենսկու խոսքով՝ երկիրը տրամադրված է արդյունքի, և եթե այցը Կիև չկայանա, հանդիպումներ կանցկացվեն այլ պետություններում։ Նա նաև շեշտել է, որ հիմնական խնդիրը մնում է Ռուսաստանի՝ պատերազմը դադարեցնելու ցանկության բացակայությունը։