Իրանը հայտնել է միջուկային ծրագրից հրաժարվելու իր պայմանը. NYT

Իրանական կողմը Վաշինգտոնին տեղեկացրել է, որ պատրաստակամ է հինգ տարի ժամկետով հրաժարվել իր միջուկային ծրագրից։ 

The New York Times-ի աղբյուրների փոխանցմամբ՝ ԱՄՆ-ն Պակիստանում կայացած հանդիպման ժամանակ Իրանին առաջարկել է ուրանի հարստացման 20-ամյա մորատորիում։
 

«Ի պատասխան՝ Իրանը կրկին առաջարկել է մինչև հինգ տարի դադարեցնել միջուկային գործունեությունը», - գրված է հոդվածում։ 

Հաղորդվում է, որ նմանատիպ առաջարկ ներկայացվել էր նաև փետրվարին կայացած բանակցությունների ժամանակ, ինչից հետո ԱՄՆ նախագահ Դոնալդ Թրամփը ռազմական գործողություններ սկսելու որոշում էր կայացրել։ 

Նախքան այս, ԱՄՆ փոխնախագահ Ջ.Դ. Վենսը հայտարարել էր, որ Վաշինգտոնը պահանջում է Իրանից ի վերջո հանձնել հարստացված ուրանի բոլոր պաշարները։