ՏԵՍԱՆՅՈՒԹ. Հունգարիայում խորհրդարանական ընտրություններ են ընթանում

Հունգարիայում այսօր առավոտյան ժամը 06:00-ից սկսվել է 199 պատգամավորից բաղկացած նոր խորհրդարանի կազմի ընտրության քվեարկությունը։

Տեղական ժամանակով 06:00-ին Հունգարիայում բացվել են ընտրական տեղամասերը, որոնք կգործեն մինչև ժամը 19:00-ն։ Քաղաքացիները հնարավորություն ունեն ընտրելու երկրի օրենսդիր մարմնի նոր կազմը։ Խորհրդարանը բաղկացած է 199 պատգամավորից, որոնց ընտրության համար կիրառվում է խառը համակարգ։

Ընտրողներին տրվում է երկու քվեաթերթիկ. մեկը կուսակցական ցուցակների քվեարկության համար է, իսկ մյուսը՝ միամանդատ ընտրատարածքների թեկնածուների։ Այս մեխանիզմով կբաշխվի 106 պատգամավորական մանդատ, իսկ մյուս տեղերը կբաշխվեն ըստ կուսակցությունների ստացած ձայների համամասնության։

Ընտրապայքարին հինգ քաղաքական ուժ է մասնակցում, սակայն հիմնական մրցակցությունը ծավալվում է գործող վարչապետ Վիկտոր Օրբանի «Ֆիդես» կուսակցության և Պետեր Մադյարի գլխավորած ընդդիմադիր «Տիսա» ուժի միջև։ Միջազգային փորձագետներն ու դիտորդները հետևում են գործընթացին, քանի որ քվեարկության արդյունքները կորոշեն երկրի ներքին և արտաքին քաղաքականության հետագա ուղղությունը։