Հայտնի է՝ ինչ է քննարկել Էրդողանը Զելենսկու հետ. մանրամասներ

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ուկրաինայի նախագահ Վլադիմիր Զելենսկու հետ՝ քննարկելով երկկողմ հարաբերությունների զարգացումն ու տարածաշրջանային հարցերը։

Զրույցի ընթացքում կողմերը անդրադարձել են նաև Ուկրաինա-Ռուսաստան պատերազմի կարգավորման հնարավորություններին։ Էրդողանը վերահաստատել է, որ Անկարան շարունակելու է աջակցել բանակցային գործընթացներին՝ ընդգծելով, որ տարածաշրջանին անհրաժեշտ են խաղաղություն և կայունություն։

Թուրքիայի նախագահը կարևորել է նաև Սև ծովում նավագնացության անվտանգության և էներգամատակարարման հարցերը։ Նա նշել է, որ այդ ուղղություններով կայունության ապահովումը շարունակում է մնալ առաջնահերթություն։

Բացի այդ, Էրդողանը հայտնել է, որ Թուրքիան մտադիր է ավելացնել առևտրաշրջանառությունը Ուկրաինայի հետ և շարունակել անհրաժեշտ քայլերն այդ նպատակով։ Նա նաև դրական է գնահատել Ուկրաինայի և Պարսից ծոցի երկրների միջև հարաբերությունների զարգացումը։