Վազգեն Սաղաթելյանի նկատմամբ խափանման միջոցը փոխվեց. փաստաբան

«Իմնեմնիմ» փոդքասթի համահեղինակ Վազգեն Սաղաթելյանի նկատմամբ կիրառված կալանավորում խափանման միջոցը փոխվեց տնային կալանքով։ Այս մասին լրագրողների հետ զրույցում հայտնել է նրա փաստաբան Արսեն Բաբայանը։

Հիշեցնենք՝ Նարեկ Սամսոնյանն ու Վազգեն Սաղաթելյանը ձերբակալվել էին նոյեմբերի 13-ի առավոտյան՝ Քննչական կոմիտեում նախաձեռնված քրեական վարույթի շրջանակներում։ 

Նրանց փաստաբանները հայտնել էին, որ իրենց պաշտպանյալներին մեղադրանք է առաջադրվել խուլիգանության հոդվածով։ 

Սամսոնյանն ու Սաղաթելյանը չեն ընդունում իրենց առաջադրված մեղադրանքները։