Պուտինը նախազգուշացրել է. կկանխվի ցանկացած փորձ

Ռուսաստանի նախագահ Վլադիմիր Պուտինը հայտարարել է, որ իշխանությունները կկասեցնեն ընտրությունների նախաշեմին իրավիճակը ապակայունացնելու ցանկացած փորձ։ Այս մասին նա նշել է Կենտրոնական ընտրական հանձնաժողովի նոր անդամների հետ հանդիպման ընթացքում։

Պուտինն ընդգծել է, որ ընտրությունները չպետք է օգտագործվեն հասարակական կայունությունը խաթարելու նպատակներով։

Նրա խոսքով՝ համապատասխան հանձնարարականներ արդեն տրվել են իրավապահ մարմիններին։ Վերջիններիս առջև դրվել է խնդիր՝ կանխել ցանկացած գործողություն, որը կարող է ազդել հանրային կարգի և ընտրական գործընթացների բնականոն ընթացքի վրա։

Նախագահը նաև շեշտել է, որ պետությունը հետևողականորեն վերահսկելու է իրավիճակը և անհրաժեշտության դեպքում կկիրառի օրենքով նախատեսված միջոցներ՝ ապահովելու ընտրությունների անվտանգ անցկացումը։