Ալեն Սիմոնյանը կարգադրագիր է ստորագրել. ԱԺ աշխատակազմի ղեկավարի տեղակալն ազատվում է պաշտոնից

Ապրիլի 1-ից Վարդան Հարությունյանն ազատվում է Ազգային ժողովի աշխատակազմի ղեկավարի տեղակալի պաշտոնից: ԱԺ նախագահ Ալեն Սիմոնյանը կարգադրություն է ստորագրել:

«Ղեկավարվելով «Հանրային ծառայության մասին» օրենքի 9-րդ հոդվածի 12-րդ մասով, Ազգային ժողովի խորհրդի 2017 թվականի հունիսի 12-ի ԱԺԽՈ-006-Լ որոշմամբ հաստատված 1-ին հավելվածի 18-րդ կետի 1-ին ենթակետով և հիմք ընդունելով Վ. Հարությունյանի 2026 թվականի մարտի 30-ի դիմումը՝ ԱԺ նախագահ Ալեն Սիմոնյանը կարգադրել է 2026 թվականի ապրիլի 1-ից Վարդան ՀԱՐՈՒԹՅՈՒՆՅԱՆԻՆ ազատել Ազգային ժողովի աշխատակազմի ղեկավարի տեղակալի պաշտոնից։

Կարգադրությամբ Ազգային ժողովի աշխատակազմի ղեկավար-գլխավոր քարտուղար Դ. ԱՌԱՔԵԼՅԱՆԻՆ հանձնարարվել է Հայաստանի Հանրապետության օրենսդրությամբ սահմանված կարգով ապահովել լրիվ վերջնահաշվարկի կատարումը»,- ասվում է հայտարարության մեջ: