«Թակիր իմ դուռը» սերիալի աստղին ձերբակալել են թմրամիջոցների գործով. ԶԼՄ

Թմրամիջոցների օգտագործման գործով հետախուզվող թուրք դերասանուհի Հանդե Էրչելին Ստամբուլի օդանավակայան ժամանելուն պես ձերբակալել են, և նա թմրամիջոցների թեստ կհանձնի, հայտնել է Cumhuriyet թերթը։

«Հայտնի դերասանուհի Հանդե Էրչելը ուրբաթ վերադարձել է Ստամբուլ։ Նրան ձերբակալել են օդանավակայանում, և նա արդեն դատարանում ցուցմունք է տվել։ Այժմ նրան տեղափոխել են դատաբժշկական փորձաքննության վարչություն՝ թմրամիջոցների թեստեր հանձնելու համար»,- հայտնել է թերթը։

Նույն գործով ձերբակալված գործարար Հաքան Սաբանջին հայտարարել է, որ ոչ ինքը, ոչ էլ իր նախկին ընկերուհին՝ դերասանուհի Հանդե Էրչելը, երբեք թմրամիջոց չեն օգտագործել, հինգշաբթի հայտնել է Sözcü թերթը։

Դատարանը հինգշաբթի որոշել է թմրամիջոցների օգտագործման կասկածանքով ձերբակալված 14 անձանցից չորսին կալանավորել, ևս երկուսին տեղավորել տնային կալանքի տակ, իսկ մնացածները, այդ թվում՝ Թուրքիայի ամենահարուստ դինաստիաներից մեկի անդամներ Սաբանջի եղբայրները, ազատ են արձակվել երկրից չբացակայելու արգելքով։