Եթե Իրանում ճգնաժամը երկարատև լինի, այն չի կարող չազդել Հայաստանի վրա․ Արայիկ Հարությունյան

Վարչապետի աշխատակազմի ղեկավար Արայիկ Հարությունյանը ճեպազրույցի ժամանակ, պատասխանելով հարցին, թե Իրանի շուրջ զարգացումներն ինչպես կարող են անդրադառնալ Հայաստանի վրա, ասել է, որ փորձագիտական գնահատականներ չի  կարող տալ։ 

«Տարբեր կերպ է ազդում պետությունների վրա։ Մեկի տարածքում մոլորված դրոն է ընկնում, մյուսի տարածքում նպատակաուղղված դրոն է ընկնում, այն մյուսի տնտեսական մատակարարումների շղթաներն են խափանվում, և դա ազդեցություն է ունենում տնտեսության վրա գների աճի տեսքով, աշխատանքների հապաղման տեսքով, օրինակ՝ շինարարության մեջ և այլն։ Իհարկե մենք բավարար քայլեր ձեռնարկել ենք նաև մինչև այդ ճգնաժամի մեկնարկը, բայց եթե ճգնաժամը երկար տևի, այն չի կարող ազդեցություն չունենալ նաև Հայաստանի վրա և առհասարակ աշխարհի վրա»,- ասել է նախարարը։

Մանրամասները՝ տեսանյութում։