Զոհվածների ծնողները հաղորդում են ներկայացրել Նիկոլ Փաշինյանի դեմ

44-օրյա պատերազմում զոհված զինծառայողների ծնողների ստորագրությամբ այսօր վարչապետ Նիկոլ Փաշինյանի դեմ հանցագործության մասին հաղորդում է ներկայացվել ՀՀ գլխավոր դատախազություն։ Այս մասին լրագրողներին հայտնել է փաստաբան Վահան Հովհաննիսյանը։

Նրա խոսքով՝ հաղորդման հիմքում վարչապետի՝ նախօրեին Ազգային ժողովում հնչեցրած հայտարարությունն է, ըստ որի՝ 2020 թվականին իշխանությունները գնացել են «գիտակցված զոհողության»։

Փաստաբանի պնդմամբ՝ այդ ձևակերպումը վերաբերում է 44-օրյա պատերազմի ընթացքում տեղի ունեցած իրադարձություններին։

 
«Որո՞նք էին այդ զոհողությունները․ շուրջ 5000 զոհված զինծառայողներ, տասնյակ հազարավոր տուժած խաղաղ բնակիչներ, բազմաթիվ անհետ կորածներ, գերեվարվածներ, բռնի տեղահանվածներ և, ի վերջո, Արցախի կորուստը»,- նշել է փաստաբանը՝ հավելելով, որ ներկայացված հաղորդման մեջ հիշատակվել են երկու հնարավոր հանցակազմ՝ պետական դավաճանություն և մարդկության դեմ ուղղված հանցագործություններ։

Մանրամասները՝ տեսանյութում։