Մայրը հարվածներ է հասցրել 3-ամյա երեխային, մահճակալից գցել հատակին և քարշ տվել․ ՔԿ-ն արձագանքել է

Երևանում․ օտարերկրացի  35-ամյա մայրը հարվածներ է հասցրել 3-ամյա երեխային, մահճակալից գցել հատակին և քարշ տվել․ երեխան մարմնական վնասվածքներով տեղափոխվել է հիվանդանոց։ Այս մասին տեղեկանում ենք Shamshyan.com-ը։

Լրատվամիջոցի փոխանցմամբ՝  ոստիկանության Նոր Նորքի բաժնի ծառայողները պարզել են, որ տուժածը Իրաքի քաղաքացի 3-ամյա տղա է։

Auroranews.am-ին Քննչական կոմիտեից հայտնեցին, որ․ «Դեպքի առթիվ նախաձեռնվել է քրեական վարույթ՝ Քրեական օրենսգրքի 195-րդ հոդվածի 2-րդ մասի 3-րդ և 6-րդ կետերով (ֆիզիկական ներգործությունը՝ անչափահասի նկատմամբ, մերձավոր ազգականի, զուգընկերոջ կամ նախկին զուգընկերոջ կողմից)։ Նշանակվել է դատաբժշկական փորձաքննություն։

Կատարվում է նախաքննություն»,- հայտնեցին գերատեսչությունից։