Իրանն ԱԹՍ-ով հարվածել է Դուբայի միջազգային ֆինանսական կենտրոնին

Դուբայում անօդաչու թռչող սարք է պայթել՝ քաղաքի միջազգային ֆինանսական կենտրոնի (DIFC) հարակից տարածքում։ Դեպքի մասին հայտնել է տեղական Sabereen News պարբերականը։

Լրատվամիջոցը նաև նշում է, որ պայթյունի ձայներ են լսվել քաղաքի տարբեր հատվածներում։ Մամուլի տեղեկություններով՝ պայթած անօդաչու սարքը ենթադրաբար կարող է պատկանել Իրանի բանակին։ Պաշտոնական հաստատում այս տեղեկության վերաբերյալ դեռևս չի հրապարակվել։

Ավելի վաղ հաղորդվել էր, որ Իրանի Իսլամական հեղափոխության պահապանների կորպուսը՝ ԱՄՆ-ի և Իսրայելի կողմից իրանական նավթային պահեստների վրա իրականացված հարվածներին ի պատասխան, հարվածներ էր հասցրել Արաբական Միացյալ Էմիրությունների Ֆուջեյրայի նավթային շրջանին, Շարժայի արդյունաբերական գոտուն և Քուվեյթում տեղակայված ամերիկյան ռազմաբազային։