Պատվից զուրկ մարդիկ՝ թող չփորձեն մեր ուժը․ նրանք կզղջան․ Ալիև

Ադրբեջանի նախագահ Իլհամ Ալիևը հայտարարել է, որ երկրի դեմ իրականացված ահաբեկչական գործողության հեղինակները կզղջան իրենց քայլի համար։ Այս մասին նա ասել է Ադրբեջանի Անվտանգության խորհրդի նիստի ընթացքում։

Նրա խոսքով՝ այդ գործողությունը իրականացրած անձինք չպետք է փորձեն իրենց երկրի ուժը։ 

«Պատվից զուրկ մարդիկ, որոնք իրականացրել են այս ահաբեկչական գործողությունը մեր դեմ, կզղջան։ Թող նրանք չփորձեն մեր ուժը», — ասել է Ադրբեջանի նախագահը։

Ալիևը հիշեցրել է նաև նախկին ռազմական գործողությունները՝ նշելով, որ նրանք, ովքեր փորձել էին ստուգել Ադրբեջանի հնարավորությունները, բախվել են «Երկաթե բռունցք» գործողության հետևանքներին։

Նրա խոսքով՝ ներկայիս միջադեպը ևս կարող է հանգեցնել նույնպիսի արդյունքի։