Լուրերը մեկ տողով. Սահմաններ, պատերազմական սպառնալիքներ և քաղաքական զարգացումներ

Անցած ժամվա լուրերը՝ հակիրճ և բովանդակային:

• ՀՀ բոլոր միջպետական և հանրապետական ավտոճանապարհները բաց են, սակայն բքի պատճառով Թթուջուր–Նավուր ճանապարհը փակ է, իսկ Վարդենյաց լեռնանցքը դժվարանցանելի է կցորդով մեքենաների համար։

 • Իրանը հայտարարել է, որ առաջիկա օրերին ավելի ինտենսիվ հարվածներ կհասցնի թշնամու դիրքերին և ԱԹՍ-ներով թիրախավորել է մի շարք ռազմական օբյեկտներ։

 • Դոնալդ Թրամփը հայտարարել է, որ Իրանը փորձում է գործարք քննարկել, սակայն ԱՄՆ-ը պատրաստ է շարունակել պատերազմը։

 • Լիբանանի աղբյուրների համաձայն՝ Իսրայելի ավիացիան հարավային բնակավայրերի վրա հարվածների ժամանակ կիրառել է ֆոսֆորային արկեր։

 • Թրամփը կոչ է արել Իրանի անվտանգության ուժերին զենքերը վայր դնել՝ առաջարկելով անձեռնմխելիություն, հակառակ դեպքում սպառնալով ծանր հետևանքներով։

 • ԱՄՆ նախագահը հայտարարել է, որ Իրանի վերականգնումը վերջին հարձակումներից հետո կարող է տևել շուրջ 10 տարի։

 • Արաբական Միացյալ Էմիրություններում ամբողջ երկրով մեկ հայտարարվել է արտակարգ դրություն։

 • Իրանում ԱՄՆ-ի և Իսրայելի գործողության հետևանքով զոհերի թիվը հասել է 1168 - ի:


 • Թեհրանին ԱՄՆ-ի և Իսրայելի հարվածների հետևանքով վնասվել են քաղաքացիական օբյեկտներ, այդ թվում ՝ բնակելի տներ


 • TIME ամսագիրը թողարկել է նոր շապիկ՝ այն անվանելով «Թրամփի պատերազմ»: Այն պատկերում է ԱՄՆ նախագահի դասական գլխարկները Make America Great Again, միայն Ամերիկայի տեղը, կան այլ երկրներ՝ Վենեսուելա, Իրան, Նիգերիա, Իրաք, Սիրիա, Էկվադոր, Եմեն, Սոմալի


 • ՀՀ ԱԳ նախարար Արարատ Միրզոյանը հեռախոսազրույց է ունեցել Ադրբեջանի ԱԳ նախարարի հետ՝ քննարկելով տարածաշրջանային զարգացումները։

 • Արարատ Միրզոյանը հեռախոսազրույց է ունեցել նաև ԱՄԷ ԱԳ նախարարի հետ՝ հույս հայտնելով իրավիճակի դիվանագիտական հանգուցալուծման վերաբերյալ։

 • Ադրբեջանի և Վրաստանի պաշտպանության նախարարները քննարկել են տարածաշրջանում ստեղծված իրավիճակը։

 • Դոնալդ Թրամփը հայտարարել է, որ Պուտինը պատրաստ է բանակցությունների, իսկ Զելենսկին պետք է նախաձեռնություն ցուցաբերի պատերազմի ավարտի համար։

 • Ուկրաինայի նախագահ Վլադիմիր Զելենսկին հայտնել է, որ ԱՄՆ-ը դիմել է օգնության՝ Մերձավոր Արևելքում «շահիդ» ԱԹՍ-ներից պաշտպանվելու հարցում։

 • Գլխավոր դատախազությունը դատարան է ներկայացրել հայց՝ նախկին ոստիկանապետ Վալերիյ Օսիպյանի և նրա կնոջ ենթադրյալ ապօրինի գույքի բռնագանձման պահանջով։

 • Երևան–Սևան ճանապարհին գտնվող գազալցակայանում ավտոմեքենայի պայթյունի հետևանքով վարորդը այրվածքներով տեղափոխվել է հիվանդանոց։