Իսրայելի Բեն Գուրիոն օդանավակայանի վրա՝ ծանր հրթիռային հարձակում է եղել․ ԻՀՊԿ

Իրանի Իսլամական հեղափոխության պահապանների կորպուսը հայտարարել է, որ  հրթիռներ է արձակել Իսրայելի Բեն Գուրիոն օդանավակայանի ուղղությամբ, որը գտնվում է Թել Ավիվի մերձակայքում։

ԿՀԻՊ-ի հաղորդմամբ՝ կիրառվել են «Խորամշահր-4» տեսակի ծանր հրթիռներ՝ մոտ մեկ տոննա կշռով մարտագլխիկներով։ Հայտարարության մեջ նշվում է, որ թիրախավորվել են օդանավակայանը և այնտեղ տեղակայված Իսրայելի ռազմաօդային ուժերի ստորաբաժանումները։

Ավելի վաղ Իրանի ռազմական աղբյուրները նաև տեղեկացրել էին անօդաչու թռչող սարքերով իրականացված հարվածների մասին Թել Ավիվում գտնվող օբյեկտների և Իսրայելի հյուսիսում՝ Մերոն շրջանում գտնվող ռադարային բազայի դեմ։

Իրանի բանակը հետագայում հայտարարել է, որ անօդաչու սարքերով հարված է հասցվել նաև Քուվեյթում գտնվող ԱՄՆ «Քեմփ Բյուրինգ» (նախկին «Քեմփ Ուդաիրի») ռազմաբազային։ Միևնույն ժամանակ The Times of Israel-ը գրում է, որ Իսրայելի ռազմաօդային ուժերում 27-րդ էսկադրիլիա չկա, և հավանաբար խոսքը վերաբերում է օդանավակայանի տարածքում գործող նախկին 27-րդ ավիաբազային, որը փակվել է 2010 թվականին։