Քոչարյանը թող ղեկավարման մասին չխոսի․ Սիմոնյան
Ռոբերտ Քոչարյանը թող կարողանա «Հայաստան» խմբակցությունը ղեկավարել: Ակնհայտ է, որ «Հայաստան» խմբակցությունը չի ղեկավարվում իր կողմից: Այնտեղ Դաշնակցությունն է վերցրել իշխանություն: Այս մասին խորհրդարանական ճեպազրույցի ժամանակ ասել է ԱԺ նախագահ Ալեն Սիմոնյանը։
«Հասկանում եմ՝ շատերը մոռացել են, թե Քոչարյանն իր ղեկավարման տարիներին ինչեր է արել, բայց ով-ով, Քոչարյանը թող ղեկավարման մասին չխոսի: Նա այլ բան ունի անհանգստանալու՝ հաջորդ խորհրդարանական ընտրություններին ինքը հատելո՞ւ է շեմը Դաշնակցության հետ ու հայտնվելու է խորհրդարանում, թե ամբողջ ընդդիմադիր ռեսուրսը, որ դաշտում կա, այլ կուսակցություններ են վերցնելու»,- ասել է Ալեն Սիմոնյանը:
Ըստ ԱԺ նախագահի ունեցած տվյալների՝ Քոչարյանն այդ խնդիրը միանշանակ ունի:
«Այսօր ակնհայտ է, որ գալիք ընտրություններին այդ 21 տոկոսի առյուծի բաժինը այլևս Քոչարյանին ձայն չի տալու, տալու է այլ ընդդիմադիր կուսակցության։ Դրա համար ասուլիս է տալիս և իրեն առաջարկում է որպես վարչապետի թեկնածու, բայց ինքը խորհրդարան անցնելու խնդիր ունի, թող դրանով զբաղվի»,- ավելացրել է Ալեն Սիմոնյանը:
Նմանատիպ հոդվածներ
Այդ մարդը մերժված է մնալու պատմության մեջ․ Սիմոնյանը՝ Սարգսյանի մասին
Ավելին Քաղաքականություն բաժնից
10,000-ը տանք, մեր սիրելի թոշակառուները գնան ծխախոտ առնեն․ Փաշինյանը՝ կոնսաթոշակների բարձրացման մասին
Մենք գնահատել ենք մեր շանսերը․ Մամիջանյանը՝ ընտրություններին մասնակցելու մասին
Իրանի ԱԳՆ-ն հայտարարություն է տարածել
