Իրան ցամաքային զորքեր կուղարկվեն․ Թրամփ

ԱՄՆ նախագահ Դոնալդ Թրամփը չի բացառել Իրանում ամերիկյան ցամաքային զորքերի ներգրավման հնարավորությունը՝ նշելով, որ նման որոշումը կարող է ընդունվել անհրաժեշտության դեպքում։ Այդ մասին նա հայտարարել է The New York Post պարբերականին տված հարցազրույցում։

Թրամփի խոսքով՝ ինքը մտավախություն չունի զորք ուղարկելու հարցում և չի պատրաստվում նախապես բացառել նման սցենարը։ Նրա խոսքով՝ նախորդ ղեկավարները հաճախ հայտարարել են, որ ցամաքային ուժեր չեն օգտագործվի, սակայն ինքը նման ձևակերպում չի կիրառի՝ ընդգծելով, որ ամեն ինչ կախված կլինի իրավիճակից։

Նրա պնդմամբ՝ գործողությունները զարգանում են սպասվածից արագ, և արդեն մեկ օրում, իր ներկայացմամբ, ոչնչացվել են Իրանի 49 բարձրաստիճան ղեկավարներ։ Թրամփը նշել է, որ նախնական հաշվարկներով նման արդյունքի հասնելու համար կարող էր պահանջվել առնվազն չորս շաբաթ։