Լուրերը մեկ տողով. Ավիահարվածներ Աֆղանստանում, լարվածություն տարածաշրջանում

Անցած ժամվա լուրերը՝ հակիրճ և բովանդակային:

▪️ Հանրապետությունում բոլոր միջպետական և հանրապետական ճանապարհները բաց են, բացառությամբ Ջերմուկի խաչմերուկից մինչև Կապան հատվածի, որը փակ է կցորդով մեքենաների համար։ Շարունակվում են մաքրման աշխատանքները։

▪️ Իրանի դեսպանը հայտարարել է, որ TRIPP-ը ճանապարհ է, ոչ թե միջանցք։ Թեհրանը աջակցում է խաղաղությանը միտված նախաձեռնություններին։

▪️ Պակիստանը ավիահարվածներ է հասցրել Աֆղանստանում թալիբների թիրախներին և հայտարարել բաց պատերազմի մասին։ Կան զոհեր և վիրավորներ, լարվածությունը սրվում է։

▪️ Քաբուլում ավիահարվածներից հետո կրակոցներ են հնչել նախագահական պալատի մերձակայքում։ Պակիստանը թալիբներին մեղադրել է ահաբեկչական խմբերին աջակցելու մեջ։

▪️ Իրանը կոչ է արել Աֆղանստանին և Պակիստանին տարաձայնությունները լուծել երկխոսությամբ։ Թեհրանը պատրաստակամություն է հայտնել աջակցել գործընթացին։

▪️ ԱՄՆ առաջին տիկինը կգլխավորի ՄԱԿ Անվտանգության խորհրդի նիստը։ Ելույթը կվերաբերի կրթության և խաղաղության խթանմանը։

▪️ ԱՄՆ փոխնախագահը հայտարարել է, որ Իրանի դեմ հնարավոր հարվածը չի վերածվի երկարատև պատերազմի։ Վաշինգտոնը չի նախատեսում երկար ներգրավվածություն տարածաշրջանում։

▪️ Բելգորոդում հրթիռակոծությունից հետո շուրջ 60 հազար մարդ մնացել է առանց էլեկտրամատակարարման։ Սոցիալական հաստատությունները աշխատում են գեներատորներով։

▪️ Ղազախստանում սրճարանի պայթյունի հետևանքով կան զոհեր և տուժածներ։ Տուժածներից մի քանիսը հոսպիտալացվել են այրվածքներով։