Կներկայացվի ջրամատակարարման նոր գրաֆիկ․ կլինեն անջատումներ․ Ջրային կոմիտեի նախագահ

Երկու շաբաթից կներկայացվի ջրամատակարարման նոր գրաֆիկ, այսինքն, կլինեն անջատումներ: Այս մասին լրագրողների հետ զրույցում ասել է Ջրային կոմիտեի նախագահ Արամազդ Ղալամքարյանը։

Նրա խոսքով՝ «Վեոլիա ջուրը» ջրամատակարարման գրաֆիկի փոփոխության մասին որոշումը չի քննարկել կոմիտեի հետ և չի տեղեկացրել դրա մասին:

Հավելենք՝ «Վեոլիա Ջուր»-ը հայտարարել էր, որ մայիսի 1-ից մինչև սեպտեմբերի 16-ը Հայաստանում խմելու ջուրը գիշերվա ժամը 12-ից մինչև առավոտյան 7-ը կանջատվի, ինչը հարուցել էր քաղաքացիների դժգոհությունը: Նախօերին, սակայն, տարածքային կառավարման և ենթակառուցվածքների նախարար Դավիթ Խուդաթյանը հայտնել է, որ Կառավարության միջամտության արդյունքում ջրամատակարարման ժամանակացույցի փոփոխություն չի լինի: