Քլինթոնները կանչվել են Կոնգրես՝ Էպշտեյնի գործով

Բիլ և Հիլարի Քլինթոնները կանչվել են Կոնգրես՝ Էպշտեյնի գործով հարցաքննության։

ԱՄՆ նախկին պետքարտուղար և նախագահի թեկնածու Հիլարի Քլինթոնը կհարցաքննվի փետրվարի 26-ին։ Նախկին նախագահ Բիլ Քլինթոնը հաջորդ օրը կներկայանա Կոնգրեսի առջև, հաղորդում է Fox News-ը։

Քլինթոնների ցուցմունքները կօգնեն ավելի մանրամասն ուսումնասիրել այն մարդկանց ցանկը և այն, թե ինչպես է ֆինանսիստ Ջեֆրի Էպշտեյնը խուսափել Դաշնային Բյուրոյի հետաքննություններից, ասել է հանրապետական ներկայացուցիչ Ջեյմս Քոմերը։

«Մեր նպատակը այս հետաքննության մեջ պարզ է. մենք ձգտում ենք թափանցիկության և հաշվետվողականության ամերիկյան ժողովրդի և տուժածների համար», - ասել է Քոմերը։

Հիշեցնենք, որ Ջեֆրի Էփշթեյնը  ամերիկացի միլիարդատեր ֆինանսիստ է, որը հայտնի է դարձել անչափահասների սեռական շահագործման և թրաֆիքինգի աղմկահարույց քրեական գործով: Նա սերտ կապեր է ունեցել ազդեցիկ քաղաքական գործիչների և հայտնի մարդկանց հետ, ձերբակալվել է 2019 թվականին, իսկ ավելի ուշ՝ բանտախցում հայտնաբերվել մահացած: