Օտտավայի կոնվենցիան՝ առանց Լեհաստանի․ կվերսկսվեն հակահետևակային ականների արտադրությունը
Լեհաստանը կդադարեցնի հակահետևակային ականների կիրառումն արգելող Օտտավայի կոնվենցիայի շրջանակում ստանձնած պարտավորությունների կատարումը։ Այս մասին հայտարարել է երկրի պաշտպանության նախարարի տեղակալ Ցեզարի Թոմչիկը, փոխանցում է РИА Новости-ն։
Նրա խոսքով՝ իշխանությունները մտադիր են վերականգնել հակահետևակային ականների արտադրությունը և ստեղծել հեռահար ականադրման համակարգեր։ Ավելի վաղ վարչապետ Դոնալդ Տուսկը նշել էր, որ անհրաժեշտության դեպքում Լեհաստանը 48 ժամվա ընթացքում կարող է ականապատել Ռուսաստանի և Բելառուսի հետ սահմանները։
Ավելի վաղ հայտնի էր դարձել, որ Լեհաստանը Սառը պատերազմից ի վեր առաջին անգամ ծրագրում է սկսել նման ականների արտադրություն՝ դրանք տեղակայելով արևելյան սահմանին։ Պետական Belma ընկերությունը հայտարարել է, որ «Արևելյան վահան» ծրագրի շրջանակում նախատեսվում է արտադրել միլիոնավոր ականներ՝ 800 կիլոմետր երկարությամբ արևելյան սահմանը պաշտպանելու նպատակով։ Նշվում է նաև, որ ավելցուկային արտադրանքը կարող է մատակարարվել դաշնակիցներին, իսկ Ռուսաստանին սահմանակից ՆԱՏՕ-ի որոշ երկրներ հետաքրքրություն են հայտնել գնման հարցում։
Օտտավայի կոնվենցիան, որն արգելում է հակահետևակային ականների կիրառումը, ուժի մեջ է մտել 1999 թվականին և ունի 164 մասնակից պետություն։ Ավելի վաղ հաղորդվել էր նաև, որ Լեհաստանի բնակիչներին բաժանվել են պատերազմական իրավիճակների դեպքում գործողությունների վերաբերյալ բրոշյուրներ։
