Մեր միջուկային ծրագիրը չհաջողվեց ոչնչացնել․ Արաղչիի արձագանքը՝ Թրամփին
Իրանի միջուկային ծրագրի հարցում ռազմական լուծում գոյություն չունի։ Այս մասին հայտարարել է Իրանի արտգործնախարարը՝ ընդգծելով, որ նախորդ փորձերը չեն հանգեցրել ծրագրի դադարեցմանը։
Նրա խոսքով՝ անցած տարվա իրադարձությունները ցույց տվեցին, որ ռազմական ճնշումը չի կարողացել վերացնել Իրանի հնարավորությունները։
«Դա արդեն փորձարկվել է, սակայն մեր միջուկային ծրագիրը չհաջողվեց ոչնչացնել»,- նշել է նա։
Արտգործնախարարը նաև ընդգծել է, որ Իրանը ամերիկյան ժողովրդին չի դիտարկում որպես թշնամի, սակայն ԱՄՆ կառավարության վարած քաղաքականությունը համարում է Իրանի նկատմամբ թշնամական։ Նրա խոսքով՝ եթե այդ քաղաքականությունը փոխվի, Թեհրանը կարող է դիտարկել հարաբերությունների ձևաչափի վերանայման հնարավորությունը։
Միաժամանակ դիվանագետը նշել է, որ Վաշինգտոնը Թեհրանից չի պահանջել ուրանի հարստացման լիակատար դադարեցում։
