Մենք կարգելափակենք հնարավոր նոր լուծումները․ ՌԴ-ն այլընտրանք է փնտրում․ Զելենսկի
Ռուսաստանը փորձում է գտնել Starlink արբանյակային կապի համակարգի այլընտրանքներ։ Այդ մասին Bloomberg-ին տված հարցազրույցում հայտարարել է Ուկրաինայի նախագահ Վլադիմիր Զելենսկին։
Նրա խոսքով՝ ռուսական կողմը գիտակցում է, որ նախկինում ունեցած հնարավորությունների կորուստը զգալի ազդեցություն է ունեցել, և այդ պատճառով ակտիվորեն աշխատում է այլ լուծումներ մշակելու ուղղությամբ։ Զելենսկին ընդգծել է, որ Մոսկվան կշարունակի ստեղծել և կիրառել նման համակարգեր։
Ուկրաինայի նախագահը նաև նշել է, որ Կիևը կձգտի կանխել այդ նախաձեռնությունների իրականացումը։ Նրա խոսքով՝ ուկրաինական կողմը կփորձի արգելափակել հնարավոր նոր լուծումները, որոնք կարող են կիրառվել Ռուսաստանի կողմից։
