Փաշինյանը անդրադարձել է «ՔՊ» կուսակցության նախընտրական ցուցակի ձևավորման սկզբունքներին

Նիկոլ Փաշինյանը լրագրողների հետ ճեպազրույցում անդրադարձել է «Քաղաքացիական պայմանագիր» կուսակցության նախընտրական ցուցակի ձևավորման սկզբունքներին։

Ընտրական ցուցակի ձևավորման մասին վարչապետը պարզաբանել է, որ ի տարբերություն 2018 և 2021 թվականների արտահերթ ընտրությունների, երբ ժամանակի սղության պատճառով ցուցակը ձևավորել է կուսակցության վարչությունը, 2026-ի հերթական ընտրություններին գործելու է այլ կարգ։

«2026 թվականին տեղի են ունենալու հերթական ընտրություններ, և ինչպես 2017 թվականին՝ այս դեպքում էլ մենք իրականացնում ենք փակ, գաղտնի, վարկանիշային քվեարկություն»,- նշել է Փաշինյանը։

«Քաղաքացիական պայմանագիր» կուսակցությունում սկսվել է ընտրական ցուցակի ձևավորման առաջին փուլի փակ, գաղտնի, վարկանիշային քվեարկությունը։ Վարչապետը հրապարակել է ընտրական ցուցակի ձևավորման 1-ին փուլի քվեաթերթիկի ձևանմուշը, որում ընդգրկված է 274 թեկնածու։ Առաջին 50 տեղը զբաղեցրած թեկնածուների մասնակցությամբ տեղի կունենա նաև երկրորդ փուլ։ Առաջին փուլի քվեարկությունը կտևի երեք օր, երկրորդ փուլի քվեարկությունը՝ երկու օր։