Զելենսկին հայտարարել է ԻՀՊԿ-ն ահաբեկչական կազմակերպություն ճանաչելու մասին
Ուկրաինայի նախագահ Վլադիմիր Զելենսկին հայտարարել է, որ Ուկրաինան պաշտոնապես ճանաչել է Իրանի Իսլամական հեղափոխության պահապանների կորպուսը, որպես ահաբեկչական կազմակերպություն։ Այդ մասին նա հայտնել է իր երեկոյան ուղերձում։
«Մենք Ուկրաինայում արդեն ընդունել ենք այդ որոշումը և ԻՀՊԿ-ն ճանաչել ենք ահաբեկչական կազմակերպություն։ Մեզ համար այս հարցը փակված է։ Աշխարհի բոլոր ահաբեկիչները արժանի են նույն վերաբերմունքին և դատապարտմանը․ ոչ մեկը չպետք է հաղթի», - հայտարարել է Ուկրաինայի նախագահը։
ԻՀՊԿ-ն ահաբեկչական կազմակերպություն ճանաչելու մասին որոշումն արդեն հրապարակվել է Ուկրաինայի անվտանգության ծառայության (ՍԲՈւ) պաշտոնական կայքում։ Ընդհանուր առմամբ, ահաբեկչական կազմակերպությունների ցուցակում ներառված է 27 կազմակերպություն։
