Նա զվարճալի տղա է․ ռուսաֆոբ չէ, դա հաստատ է․ Մեդվեդև
Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևը հրապարակային մեկնաբանություն է արել Միացյալ Նահանգների գործող նախագահ Դոնալդ Թրամփի վերաբերյալ՝ անդրադառնալով նրա անձնական հատկանիշներին և ռուս-ամերիկյան հարաբերություններին։
«Դոնալդ Թրամփը զվարճալի բաներ է գրում, և ես հաճույքով եմ կարդում դրանք։ Նա ռուսաֆոբ չէ, դա հաստատ է։ Եվ հետո, նա բավականին զվարճալի տղա է», - նշել է Մեդվեդևը։
Նա նշել է, որ ԱՄՆ նախագահը աչքի է ընկնում հումորի զգացումով և հաճախ հրապարակում է ձևակերպումներ ու հայտարարություններ, որոնք ուշադրություն են գրավում և հետաքրքիր են հետևելու համար։ Ըստ նրա՝ Թրամփի հրապարակային ելույթներն ու գրառումները առանձնանում են ոչ ստանդարտ ոճով։
ՌԴ Անվտանգության խորհրդի փոխնախագահը նաև ընդգծել է, որ Թրամփի նախագահության շրջանում Ռուսաստանի և Միացյալ Նահանգների միջև երկխոսությունը դարձել է ավելի ակտիվ և գործնական։ Նրա գնահատմամբ՝ շփումների ինտենսիվացումը դրական ազդեցություն է ունեցել երկրների միջև հաղորդակցության վրա։
