Կալլասը հանդես է եկել խոստովանությամբ․ առանց ԱՄՆ-ի՝ Եվրոպան անպաշտպան է

Եվրամիության արտաքին գործերի և անվտանգության քաղաքականության բարձր ներկայացուցիչ Կայա Կալլասը համաձայնել է ՆԱՏՕ-ի գլխավոր քարտուղար Մարկ Ռյուտտեի հայտարարության հետ, ըստ որի՝ Եվրոպան ներկայումս ի վիճակի չէ ինքնուրույն ապահովել սեփական անվտանգությունը առանց Միացյալ Նահանգների աջակցության։

Կալլասը այս մասին հայտարարել է Օսլո կատարած այցի ընթացքում կայացած մամուլի ասուլիսում՝ պատասխանելով լրագրողների հարցերին։ 

Միևնույն ժամանակ ԵՄ բարձր ներկայացուցիչը նշել է, որ Եվրամիությունը քայլեր է ձեռնարկում իրավիճակը փոխելու ուղղությամբ։ Ըստ նրա՝ անդամ պետությունները մեծացնում են պաշտպանական ոլորտում ներդրումները՝ նպատակ ունենալով ամրապնդել եվրոպական պաշտպանունակությունը։

Կալլասը ընդգծել է, որ այս գործընթացը ժամանակ է պահանջում, սակայն այն արդեն մեկնարկել է և գտնվում է ԵՄ օրակարգի առաջնահերթ հարցերի շարքում։