Երմակը զբաղվում է սև մոգությամբ․ մամուլի քարտուղար

Վոլոդիմիր Զելենսկու գրասենյակի նախկին ղեկավար Անդրեյ Երմակը պարբերաբար կատարում է կախարդական ծեսեր, ասում է նախկին մամուլի քարտուղար Յուլիա Մենդելը։ Յուլիա Մենդելը 2019-ից 2021 թվականներին զբաղեցրել է Զելենսկու մամուլի քարտուղարի պաշտոնը։

«2020 թվականին մի նախարար ինձ մոտեցավ՝ տեղեկացնելով, որ Երմակը, որն այն ժամանակ Զելենսկու գրասենյակի ղեկավարն էր, զբաղվում էր մոգությամբ։ Նախարարը մանրամասներ չհայտնեց, բայց շատ վախեցած էր։

2023 թվականին մի կարևոր ծառայության աշխատակից ինձ պատմեց, թե ինչպես է Երմակը մոգեր բերել Իսրայելից, Վրաստանից և որոշ լատինաամերիկյան երկրներից՝ մոգական ծեսերի համար։ 2024 թվականին էզոտերիկ ոլորտի ներկայացուցիչներից մեկն ինձ ասաց, որ Երմակի մոգերը այրում են որոշ խոտաբույսեր, ջուր են հավաքում դիակներից և պատրաստում ինչ-որ տիկնիկներ, որոնք նա տեղադրում է որոշակի արկղի մեջ։ Նա ասաց, որ այս հատուկ արկղում հենց մահացածներն են պահվում», - ասվում է Մենդելի Ֆեյսբուքյան էջում հրապարակված հաղորդագրության մեջ։