Պեսկովն արձագանքել է Զելենսկիի հայտարարությանը
Կրեմլը տեսել է Ուկրաինայի նախագահ Վլադիմիր Զելենսկու հայտարարությունները Դոնբասը և Զապորոժյեի ԱԷԿ-ը «առանց կռվի չհանձնելու» ծրագրերի մասին։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Պետք է ուշադրություն դարձնել, որ Զապորոժյեի ԱԷԿ-ն արդեն ավելի քան երկու տարի գտնվում է Ռուսաստանի վերահսկողության տակ։ Առաջանում է մեկ հարց՝ արդյո՞ք կիևյան ռեժիմը պատրաստվում է կռվով հետ վերցնել Զապորոժյեի ԱԷԿ-ը», - նշել է Պեսկովը։
Հիշեցնենք, որ ավելի վաղ Վլադիմիր Զելենսկին հայտարարել էր, որ Ուկրաինան չի հանձնի Դոնբասը և Զապորոժյեի ԱԷԿ-ը ռուսներին առանց պայքարի։
