Լեռնային շրջաններում սպասվում է բուք. Երևանում՝ մառախուղ
Այսօր Հայաստանում ձյուն չի գա։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։
Հունվարի 31-ին, փետրվարի 1-3-ին առանձին շրջաններում սպասվում է ձյուն, լեռնային շրջաններում՝ բուք, ցածր հորիզոնական տեսանելիություն։
Հունվարի 30-ին Շիրակի դաշտի ցածրադիր հատվածներում, Արագածոտնի և Կոտայքի նախալեռներում, Արարատյան դաշտում մառախուղ է սպասվում։ Նշված ժամանակահատվածում սպասվում է նաև քամու ուժգնացում՝ 16-20 մ/վ արագությամբ։
Օդի ջերմաստիճանը ցերեկային ժամերին կշարունակի բարձրանալ Լոռիում, Տավուշում և Սյունիքում 5-7 աստիճանով)։
Այսօր մառախուղ է սպասվում նաև Երևանում։ Ցերեկային ժամերին մայրաքաղաքում օդի ջերմաստիճանը կտատանվի 0–ից -2, գիշերը` -5-ից -7 աստիճանի սահմաններում։
