Թրամփը կարող է չեղարկել Վենեսուելայի դեմ որոշ պատժամիջոցներ
ԱՄՆ նախագահ Դոնալդ Թրամփը կարող է չեղարկել Վենեսուելայի դեմ որոշ պատժամիջոցներ և շարունակել վենեսուելական նավթի առևտուրը, ընդ որում՝ Վենեսուելան ստացված եկամուտը կօգտագործի ամերիկյան արտադրանք գնելու համար։ Այս մասին գրում է Ռիա Նովստին։
Վենեսուելայի նավթարդյունաբերությունն այժմ պահանջում է զգալի կապիտալ ներդրումներ, ուստի վաղաժամ է ասել, որ Դոնալդ Թրամփը ակտիվորեն կվերականգնի երկրի նավթարդյունաբերությունը, հատկապես որ ամերիկյան նավթային ընկերությունների վրա ճնշում գործադրելը շատ դժվար է։
«Մեկ այլ հարց է այն, որ Թրամփը կարող է չեղարկել Վենեսուելայի դեմ մի շարք պատժամիջոցներ և սկսել վենեսուելական նավթի առևտուր, ինչն արդեն անում է, և Վենեսուելան ստացված եկամուտը կօգտագործի ամերիկյան արտադրանք գնելու համար: Հավանական է, որ Նիկոլաս Մադուրոն ինքը կընտրեր այս տարբերակը, քանի որ այն օգտակար է Վենեսուելայի տնտեսության համար», - գրում է լրատվականը:
