Մոսկվան հույսը չի դնի հրապարակային խաղերի վրա. Լավրով
Մոսկվան կդիտարկի Ուկրաինայի վերաբերյալ իրական առաջարկները և հույսը չի դնի հրապարակային խաղերի վրա, լրագրողներին ասել է Ռուսաստանի արտաքին գործերի նախարար Սերգեյ Լավրովը՝ ТАСС-ի փոխանցմամբ։
Նա նշել է, որ լրատվամիջոցները կտեղեկացվեն ԱՄԷ-ում Ուկրաինայի հարցի կարգավորման շուրջ բանակցությունների ընթացքի մասին այն ժամանակ, երբ ամեն ինչ պարզ լինի։
Սերգեյ Լավրովի խոսքով՝ Ուկրաինայի հարցով բանակցությունների քաղաքական հարցերը ձևակերպել է Ռուսաստանի նախագահ Վլադիմիր Պուտինը, և դրանք շարունակում են ուժի մեջ մնալ։
Նա նաև հայտարարել է, որ ռուս բանակցողները կշարունակեն շփումները ցանկացած ձևաչափով՝ մեկնաբանելով Աբու Դաբիում կայացած բանակցությունները։
