Իրանում ձերբակալվում են վիրավոր ցուցարարներին բուժող բժիշկները. ԶԼՄ

Իրանի իշխանությունները ձերբակալում են բժիշկների և բուժաշխատողների՝ զանգվածային բողոքի ցույցերի բռնի ճնշման ժամանակ վիրավորված ցուցարարներին օգնություն ցուցաբերելու համար, հաղորդում է The Guardian-ը՝ հղում անելով մարդու իրավունքների պաշտպաններին։

Նորվեգական Hengaw կազմակերպության տվյալներով՝ վերջին օրերին ձերբակալվել է առնվազն ինը բժիշկ և կամավոր։ Նրանցից մեկը՝ Ղազվին քաղաքից 52-ամյա վիրաբույժ Ալիռեզա Գոլչինին, մեղադրվում է «մոհարեբ» («Աստծո դեմ պատերազմ») մեջ, որը Իրանում մահապատիժ է ենթադրում։

Հարազատները հայտնում են, որ բժիշկը բռնի կերպով ձերբակալվել է վիրավոր ցուցարարներին հրապարակավ օգնություն առաջարկելուց հետո։ Նրանք ասում են, որ ձերբակալության ժամանակ նրան ծեծի են ենթարկել, կոտրել են ձեռքն ու կողերը, ապա տարել ընտանիքի աչքի առաջ։