Հենց նոր վերադարձրի Գազայում վերջին պատանդի մարմինը․ ԱՄՆ նախագահ
ԱՄՆ նախագահ Դոնլադ Թրամփը շնորհավորել է իր «չեմպիոնների թիմին» վերջին իսրայելցի պատանդի մարմնի վերադարձի կապակցությամբ։
«Հենց նոր վերադարձրի Գազայում վերջին պատանդի մարմինը։
Սա նշանակում է բոլոր 20 կենդանի պատանդների, ինչպես նաև բոլոր մահացածների վերադարձը։ Անհավանական աշխատանք։ Շատերը կարծում էին, որ դա անհնար է։ Շնորհավորում եմ իմ զարմանահրաշ «չեմպիոնների թիմին!!!»»,- ԱՄՆ նախագահը գրել է TruthSocial-ում։
Ավելի ուշ Թրամփը պնդել է, որ Համասը օգնել է գտնել վերջին իսրայելցի պատանդի մարմինը։ Գրում է Axios-ը։
Axios-ին տված հարցազրույցում Թրամփը նշել է, որ մարմնի որոնումները և նույնականացման գործընթացը «շատ դժվար էին», քանի որ թիմերը ստիպված էին զննել տարածքում գտնվող հարյուրավոր մարմինները։
