Հաջորդ փուլը Գազայի վերակառուցումը չէ, այլ Համասի զինաթափումը․ Նեթանյահու
Վերջին պատանդի՝ Ռան Գվիլիի մարմնի հայտնաբերման մասին լուրը տարածվելուց հետո, Իսրայելի վարչապետ Բենիամին Նեթանյահուն ելույթ ունեցավ Քնեսեթի ամբիոնից, որտեղ հատուկ նիստ էր անցկացվում Ալբանիայի վարչապետ Էդի Ռամայի ժամանման պատվին։
Իսրայելի պաշտպանության ուժերին և «Շին Բեթ»-ին շնորհակալություն հայտնելուց հետո Գվիլիի աճյունը Իսրայել վերադարձնելու ջանքերի համար, Նեթանյահուն նշեց, որ ծրագրի հաջորդ քայլը՝ «Համաս» ահաբեկչական խմբավորման զինաթափումը, այժմ կարող է սկսվել։
«Հաջորդ փուլը Գազայի վերակառուցումը չէ, այլ «Համաս»-ի զինաթափումըՀաջորդ փուլը Գազայի վերակառուցումը չէ, այլ «Համաս»-ի զինաթափումը և Գազայի ապառազմականացումը», - հիշեցրեց պետության ղեկավարը՝ նշելով, որ «այս փուլի առաջխաղացումը բխում է Իսրայելի շահերից»։ «Եվ մենք դա կանենք՝ անկախ նրանից՝ անարգել, թե հսկայական ջանքերով, բայց մենք դա կանենք ցանկացած դեպքում», - ընդգծեց վարչապետը։
Հիշենք, որ Իսրայելը նախկինում խիստ վերջնագիր էր ներկայացրել «Համաս»-ին. «Խաղաղության խորհրդի» ստեղծումից և Գազայի կառավարման համար պաղեստինյան տեխնոկրատական կոմիտեի ձևավորումից հետո խմբավորումը պարտավոր է երկու ամսվա ընթացքում ամբողջությամբ զինաթափել և վերացնել իր ռազմական կառույցները։
