ԱՄՆ-ն Մերձավոր Արևելքում տեղակայում է ՀՕՊ համակարգեր

ԱՄՆ-ն Մերձավոր Արևելքում տեղակայում է հակաօդային պաշտպանության համակարգեր՝ Իրանի կողմից հակագրոհի դեպքում։

Flightradar24-ի և ADS-B Exchange-ի տվյալների համաձայն՝ ԱՄՆ ռազմաօդային ուժերի C-17A Globemaster III ռազմական տրանսպորտային ինքնաթիռները բեռներ են հասցնում Մերձավոր Արևելք՝ Տեխասի Ֆորտ Կավազոսում գտնվող բանակի հակաօդային պաշտպանության գնդի կողմից օգտագործվող Ռոբերտ Գրեյ օդանավակայանից։

Ֆորտ Կավազոսում է գտնվում 62-րդ հակաօդային պաշտպանության հրետանային գունդը, որը շահագործում է Patriot հակաօդային պաշտպանության համակարգեր և բալիստիկ հրթիռները որսալու համար նախատեսված Terminal High Altitude Area Defense (THAAD) հակահրթիռային պաշտպանության համակարգեր։

Վերջին երկու օրերի ընթացքում ԱՄՆ տրանսպորտային ինքնաթիռները կատարել են վեց թռիչք, այդ թվում՝ այսօր ՝ Հորդանանի Մուվաֆաք Սալթի ավիաբազա և մեկը՝ Սաուդյան Արաբիայի արքայազն Սուլթան ավիաբազա։