«Նոլդու Փաշինյան». Թալինում բողոքի ակցիա է իրականացվել վարչապետի այցի ժամանակ
Թալինի բնակիչ Սարգիս Պետրոսյանը վարչապետ Նիկոլ Փաշինյանի այցի ընթացքում բողոքի ակցիա է կազմակերպել՝ հնչեցնելով ադրբեջանական հայտնի «Նոլդու Փաշինյան» երգը։
NEWS.am-ի հետ զրույցում ակցիայի մասնակիցը քննադատել է իշխանություններին՝ նշելով, որ 600 հազար ընտրող ունեցող վարչապետը չպետք է որոշումներ կայացնի 10 միլիոն հայերի հոգևոր առաջնորդի՝ Գարեգին Երկրորդի փոխարեն։ Պետրոսյանը նաև պնդել է, որ տեղի կրթական հաստատությունների աշխատակիցներին հրահանգվել է հրատապ ներկայանալ հանդիպմանը՝ հավելելով, որ ցավում է մարդկանց համար, ովքեր աշխատավարձը կորցնելու վախից ստիպված են մասնակցել նման միջոցառումների։
Հիշեցնենք՝ Նիկոլ Փաշինյանը մասնակցել է Թալինի Սուրբ Աստվածածին եկեղեցում տեղի ունեցած պատարագին:
