Իլոն Մասկի SpaceX-ը դուրս է մնացել ԱՄՆ-ի նոր ռազմական տիեզերական պայմանագրերից
Ամերիկացի ձեռնարկատեր Իլոն Մասկի SpaceX ընկերությունը բացակայում է ԱՄՆ-ի նոր առանցքային ռազմական պայմանագրերում, քանի որ նրա արբանյակային խմբավորումները Իրանում տեղի ունեցած իրադարձությունների ժամանակ խոցելի են եղել նպատակային ռադիոէլեկտրոնային ազդեցության նկատմամբ։ Այդ կարծիքը հայտնել են Ռուսաստանի Անօդաչու համակարգերի և տեխնոլոգիաների կենտրոնում։
Telegram-ում հրապարակված կենտրոնի հրապարակման մեջ նշվում է, որ 2025 թվականի վերջին Պենտագոնի Տիեզերական զարգացման գործակալությունը 3,5 միլիարդ դոլարի ֆինանսավորում է բաշխել ուղեծրային նոր արբանյակային դիտարկման համակարգի ստեղծման համար։
Խոսքը վերաբերում է Tranche 3 Tracking Layer ծրագրին, որը ներառում է հիպերձայնային սպառնալիքների վաղ հայտնաբերման և ուղեկցման արբանյակներ՝ ինտեգրված ԱՄՆ հակահրթիռային պաշտպանության համակարգին։ Պայմանագիրը նախատեսում է կայուն ռազմական ուղեծրային ճարտարապետության ձևավորում, որը կարող է գործել ռադիոէլեկտրոնային ճնշման, կիբերազդեցության և պետությունների կողմից ուղղակի հակազդման պայմաններում։
Ռուսաստանի Անօդաչու համակարգերի և տեխնոլոգիաների կենտրոնում նշում են, որ Tranche 3 ծրագրի շրջանակում միջոցների բաշխումը ընդգծում է Պենտագոնի ռազմավարությունը։ Lockheed Martin ընկերությունը ստացել է 1,1 միլիարդ դոլար և շարունակում է մնալ ԱՄՆ ռազմական տիեզերքի հիմնական կապալառուն՝ ճարտարապետության բոլոր շերտերում ներկայությամբ։
