Հայաստանում ցմահ ազատազրկման դատապարտված քաղաքացիները Թուրքիայի միջոցով փոխանցվել են Սիրիային
Հայաստանի Հանրապետությունում ցմահ ազատազրկման դատապարտված Սիրիայի Արաբական Հանրապետության քաղաքացիներ Յուսեֆ Ալաաբեթ ալ-Հաջին և Մուհհռաբ Մուհամմադ ալ-Շխերին, Թուրքիայի Հանրապետության միջոցով փոխանցվել են Սիրիայի Արաբական Հանրապետության իրավասու մարմիններին՝ իրենց նկատմամբ կայացված դատավճիռների հետագա կատարումը իրենց քաղաքացիության պետությունում շարունակելու նպատակով: Փոխանցումն իրականացվել է համապատասխան իրավասու մարմինների միջև համագործակցության և կիրառվող իրավական մեխանիզմների ներքո: Այս մասին հայտնել է ՀՀ արդարադատության նախարարությունը:
Հիշեցնենք` Արդարադատության նախարարությունը անդրադարձել էր Հայաստանում ցմահ դատապարտված սիրիացի վարձկանների արտահանձնմանը:
