ՄԱԿ-ը ուշադիր հետևում է Իրանում տեղի ունեցող իրադարձություններին

ՄԱԿ-ը շարունակաբար վերահսկում է Իրանում տեղի ունեցող իրադարձությունների զարգացումները։ Այդ մասին հայտարարել է կազմակերպության գլխավոր քարտուղարի պաշտոնական ներկայացուցիչ Ստեֆան Դյուժարիկը՝ անդրադառնալով  ստեղծված իրավիճակին։

Նրա խոսքով՝ ՄԱԿ-ում լուրջ մտահոգություն կա անկարգությունների ընթացքում մարդկային զոհերի վերաբերյալ։ Դյուժարիկը նշել է, որ կազմակերպությունը ուշադրությամբ հետևում է տեղի ունեցող գործընթացներին և դրանց հնարավոր հետևանքներին։

Գլխավոր քարտուղարի ներկայացուցիչը ընդգծել է, որ աշխարհի ցանկացած երկրում մարդիկ ունեն խաղաղ բողոքի իրավունք, իսկ պետությունների պարտականությունն է ապահովել այդ հիմնարար իրավունքի իրականացումը և քաղաքացիների անվտանգությունը։

Դյուժարիկը նաև տեղեկացրել է, որ ներկայումս Իրանում գտնվող ՄԱԿ-ի բոլոր աշխատակիցները գտնվում են անվտանգ պայմաններում, և կազմակերպությունը մշտապես կապի մեջ է տեղում գործող իր ներկայացուցչությունների հետ։