Քաղաքականություն

Գերմանիայի ԱԳՆ-ի արձագանքը՝ Ադրբեջանից Հայաստան նավթի երկրորդ մատակարարման վերաբերյալ

Գերմանիայի ԱԳՆ-ի արձագանքը՝ Ադրբեջանից Հայաստան նավթի երկրորդ մատակարարման վերաբերյալ
Ադրբեջանից Հայաստան նավթամթերքի հերթական խմբաքանակ է ուղարկվել՝ խաղաղ օրակարգի շրջանակում երկու երկրների միջև սկսված առևտրատնտեսական գործընթացների համատեքստում։ Նման հայտարարությամբ է հանդես եկել…

Ադրբեջանից Հայաստան նավթամթերքի հերթական խմբաքանակ է ուղարկվել՝ խաղաղ օրակարգի շրջանակում երկու երկրների միջև սկսված առևտրատնտեսական գործընթացների համատեքստում։ Նման հայտարարությամբ է հանդես եկել Արևելյան Եվրոպայի, Հարավային Կովկասի և Կենտրոնական Ասիայի հարցերով պատասխանատու գերատեսչության տնօրեն Նիկլաս Վագները՝  կատարելով գրառում X հարթակում։


«Երեկ նավթի ևս մեկ խմբաքանակ Ադրբեջանից ուղևորվեց Հայաստան, որը երկրորդ խմբաքանակն է մեկ ամսից էլ պակաս ժամանակահատվածում, այն դիտարկվում է տարածաշրջանում առևտրային հարաբերությունների կարգավորման ուղղությամբ կատարվող կարևոր քայլ»,- ասել է Հարավային Կովկասի և Կենտրոնական Ասիայի հարցերով պատասխանատու գերատեսչության տնօրեն Նիկլաս Վագները:


Վագները ընդգծել է, որ նման զարգացումները կարող են նպաստել փոխադարձ տնտեսական կապերի կայունացմանը։


Հավելենք՝ նախօրեին  Ադրբեջանի Հանրապետության Բալաջարի կայարանից Հայաստան է ուղարկվել ընդհանուր առմամբ 2698 տոննա բեռ՝ 48 վագոնով։ Առաքված նավթամթերքի կազմում ներառված է եղել 1742 տոննա ԱԻ-95 տեսակի բենզին և 956 տոննա դիզելային վառելիք։


Նշենք նաև, որ նավթամթերքների արտահանումն Ադրբեջանից Հայաստան սկսվել է անցած տարվա դեկտեմբերի 18-ին՝ երկու երկրների միջև ձևավորված խաղաղ օրակարգի շրջանակում։ 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7353) Միջազգային (3215) ԱՄՆ (2277) Ռուսաստան (2079) Իրան (1732) Ընտրություններ (1270) Ուկրաինա (818) Երևան (795) Իսրայել (758) Ադրբեջան (614) Փաշինյան (558) Եվրոպա (510) Ընդդիմություն (434) Թրամփ (427) Ազգային ժողով (403)

Radio Aurora

Լսել Radio Aurora

Գովազդային տարածք

300x250