Եվրախորհրդարանը կսառեցնի ԵՄ-ԱՄՆ համաձայնագիրը
Եվրախորհրդարանը կարող է սառեցնել Եվրամիության և ԱՄՆ-ի միջև առևտրային համաձայնագիրը՝ Գրենլանդիայի հարցով ԱՄՆ նախագահ Դոնալդ Թրամփի հնչեցրած սպառնալիքների պատճառով, հայտնում է Politico-ն։
Նշվում է, որ համաձայնագիրն անընդունելի էր գրեթե բոլոր քաղաքական ուժերի համար, քանի որ այն գնահատվում էր չափազանց շահավետ Վաշինգտոնի համար։
Պարբերականի պնդմամբ՝ այդ շրջանում Եվրահանձնաժողովի նախագահ Ուրսուլա ֆոն դեր Լայենը համաձայնագիրը ներկայացրել էր որպես Թրամփին աջակցություն ցուցաբերելու միջոց։ Սակայն այս շաբաթ Թրամփը սրել է իր հռետորաբանությունը՝ հայտարարելով, որ «մեզ Գրենլանդիան անհրաժեշտ է ազգային անվտանգության նկատառումներից ելնելով» և մի քանի անգամ հրաժարվել է բացառել ռազմական միջամտությունը, գրում է հրատարակությունը։
Եվրախորհրդարանի պատգամավորների խոսքով՝ ԱՄՆ-ի հետ առևտրային համաձայնագիրը պետք է կասեցվի։
