Թուրքիան թշնամի պետություն է. իսրայելցի նախարար
Իսրայելի սփյուռքի հարցերով նախարար Ամիխայ Չիքլին «i24 News»-ին տված հարցազրույցում հայտարարել է, որ Թուրքիան այլևս չի կարող համարվել Իսրայելի գործընկեր և պետք է դիտարկվի որպես «թշնամի պետություն»։
Չիքլին կոչ է արել ամբողջությամբ խզել Իսրայելի և Թուրքիայի միջև դիվանագիտական հարաբերությունները՝ ընդգծելով, որ Գազայում թուրքական զինուժի հնարավոր ներկայությունը կարող է հանգեցնել «Իսրայելի պաշտպանության բանակի» (IDF) և Թուրքիայի զինված ուժերի միջև ուղիղ բախման։
Իսրայելցի նախարարի խոսքով՝ Մերձավոր Արևելքում ձևավորվել են երկու սուննիական ճամբարներ. «մեկը՝ Թուրքիայի, Քաթարի և Սիրիայի ներկայիս իշխանությունների մասնակցությամբ ձևավորված արմատական իսլամիստական բլոկը, մյուսը՝ Բահրեյնի, Մարոկկոյի, Արաբական Միացյալ Էմիրությունների, Եգիպտոսի և Հորդանանի գլխավորած ճամբարը»։
Չիքլին ընդգծել է, որ Թուրքիան ներկայումս տեղակայվել է «արմատական ճամբարում»՝ սպառնալով տարածաշրջանային կայունությանը։
