Ռուսաստանը կոչով դիմել է ԱՄՆ-ին
Ռուսաստանը ՄԱԿ-ի Անվտանգության խորհրդում դատապարտել է ԱՄՆ-ի կողմից Վենեսուելայի դեմ իրականացված գործողությունները։ Այս մասին հայտարարել է ՄԱԿ-ում Ռուսաստանի մշտական ներկայացուցիչ Վասիլի Նեբենզյան Անվտանգության խորհրդի նիստի ընթացքում։
Նեբենզյանի խոսքով՝ Կարակասում Միացյալ Նահանգների իրականացրած գործողություններն արդարացնելու որևէ միջոց չկա։
Նա նշել է, որ «Ռուսաստանը կոչ է անում Միացյալ Նահանգներին ազատ արձակել Վենեսուելայի ընտրված նախագահ Նիկոլաս Մադուրոյին»։
«Ռուսաստանը հույս ունի, որ Ամերիկայի գործողություններն օբյեկտիվորեն կգնահատվեն այլ երկրների կողմից»,- ասել է ՄԱԿ-ում Ռուսաստանի մշտական ներկայացուցիչ Վասիլի Նեբենզյանը:
Հիշեցնենք՝ հունվարի 3-ին ԱՄՆ-ն ռազմական գործողություն է իրականացրել Վենեսուելայում, որի ընթացքում օդադեսանտային ուժերը ձերբակալել են Նիկոլաս Մադուրոյին և նրա կնոջը։
