SOCAR-ը ամրապնդում է դիրքերը Թուրքիայի էներգետիկ ոլորտում

Ադրբեջանի պետական ​​նավթային ընկերությունը (SOCAR) ստորագրել է Թուրքիայում գտնվող «Գամա Էներջի Իչ Անադոլու» էլեկտրակայանը ձեռք բերելու պայմանագիր։

Oxu.Az-ի փոխանցմամբ՝ փաստաթուղթը ստորագրվել է Ադրբեջան-Թուրքիա 2-րդ ներդրումային ֆորումի ժամանակ։

Պայմանագրի համաձայն՝ SOCAR-ը կդառնա 870 ՄՎտ հզորությամբ էլեկտրակայանի 100% սեփականատերը։ Գործարքի արժեքը կազմում է 225 միլիոն դոլար։

Այս ներդրումը ոչ միայն ամրապնդում է SOCAR-ի դիրքերը Թուրքիայի էներգետիկ ոլորտում, այլև խորացնում է երկու երկրների միջև ռազմավարական էներգետիկ համագործակցությունը։