Այստեղ այլևս պետք չէ ներողություն խնդրել ձեր ծագման համար. Վենս

ԱՄՆ-ի փոխնախագահ Ջեյ Դի Վենսը հայտարարել է, որ Միացյալ Նահանգներում այլևս անհրաժեշտ չէ ներողություն խնդրել մաշկի գույնի կամ ծագման համար։

Նրա խոսքով՝ երկիրը պետք է առաջնորդվի այն սկզբունքով, ըստ որի մարդիկ գնահատվում են իրենց անհատական հատկանիշներով և ձեռքբերումներով, այլ ոչ թե այն գործոններով, որոնց վրա նրանք ազդեցություն չունեն։

Վենսը նշել է, որ, օրինակ, ասիական ծագում ունեցող քաղաքացիները չպետք է խուսափեն իրենց մաշկի գույնի թեմայից համալսարան ընդունվելիս, քանի որ կրթական համակարգը պետք է հիմնված լինի արժանիքների վրա։ Նա հավելել է, որ իշխանությունները չեն հետապնդում մարդկանց սեռի, սեռական կողմնորոշման կամ այլ ինքնության հատկանիշների պատճառով։