Անհավատալի է, որ 21 ամիս է` տիտղոս չենք նվաճել․ Մխիթարյան
«Ինտերի» կիսապաշտպան Հենրիխ Մխիթարյանը խոսել է Իտալիայի Սուպերգավաթի խաղարկության կիսաեզրափակչում «Բոլոնիայից» կրած պարտության մասին, տեղեկացնում է ինսայդեր Նիկոլո Սկիրան։
«Պետք է շուտ վճռեինք հանդիպման ելքը։ Շատ գոլային պահեր ստեղծեցինք, բայց չիրացրինք դրանք։ Կրկին պարտվեցինք 11-մետրանոցներով։ Մենք հիասթափված ենք, բայց կարող ենք լավ մարզավիճակ հավաքել։ Անհավատալի է, որ 21 ամիս է` տիտղոս չենք նվաճել»,- ասել է հայ կիսապաշպանը։
