ԱՄՆ-ը Գրին քարտ չի տրամադրի Բրաունի համալսարանի կրակոցներից հետո
ԱՄՆ իշխանությունները կդադարեցնեն Գրին քարտի վիճակախաղի ծրագիրը Բրաունի համալսարանի կրակոցների կասկածյալի` այս ծրագրի միջոցով, երկիր մուտք գործելուց հետո: Այս մասին հայտարարել է ԱՄՆ ներքին անվտանգության նախարար Քրիստի Նոեմը։
«Նախագահ Թրամփի ցուցումով ես անմիջապես հրամայում եմ ԱՄՆ քաղաքացիության և ներգաղթի ծառայությանը կասեցնել ծրագիրը՝ որ ամերիկացիները այլևս չտուժեն այս վնասակար ծրագրից», - գրել է Նոեմը X սոցիալական ցանցում։
Նախարարի խոսքով՝ Բրաունի համալսարանի կրակոցներ կատարած Կլաուդիո Նևես Վալենտին ԱՄՆ է մուտք գործել այս ծրագրի միջոցով 2017 թվականին և ստացել է Գրին քարտ։
