ԱՄՆ-ում DV1 ծրագիրը անհապաղ կասեցրել են. ոչ մի ամերիկացի չի տուժի
ԱՄՆ ներքին անվտանգության նախարար Քրիստի Նոեմը հայտարարել է, որ նախագահ Դոնալդ Թրամփի հանձնարարությամբ ԱՄՆ քաղաքացիության և ներգաղթի ծառայությանը (USCIS) տրվել է DV1 ծրագրի անհապաղ կասեցման հրահանգ։ Նրա խոսքով՝ նպատակն է կանխել այնպիսի իրավիճակները, երբ ամերիկացիները կարող են վտանգի ենթարկվել նման ծրագրերի հետևանքով։
«Անմիջապես հրամայում եմ USCIS-ին կասեցնել DV1 ծրագիրը, որպեսզի այլևս ոչ մի ամերիկացի չտուժի այս վնասակար ծրագրի պատճառով»,- գրել էր Նոեմը:
Ավելի վաղ հայտնել էինք՝ Բրաունի համալսարանում տեղի ունեցած միջադեպի ենթադրյալ կազմակերպիչը՝ Կլաուդիո Մանուել Նևես Վալենտեն, ԱՄՆ է մուտք գործել գրին-քարտերի վիճակահանության ծրագրով դեռևս 2017 թվականին։
